Tadon Tokou .......

Sejarah tokou nopo om nokolaid no tomod, lobih kalaid mantad po ko di kinorikatan British hiti id pogun tokou Sabah di laid. Haro nokoboros dot nokorikot tokou hiti id Borneo tontok dit musim  dit raitan dot "ice age" po. Tontok nopod di om oribau po ilo rahat South China. I tokou nopo diti nga karait minamanau mantad id Selatan China (watas Ghuong Zou) minaya rahat South China, suminakai parahu. Om yolo no di ot nokopogulu minogiyon pogun Borneo. Nopo di timpuun i  om minomiwalai yolo id piras laut om minomogun-mogun id piro-piro ot maso. Tulun suai mantad watas suai nogi nga sonrikot-rikot om momogun-mogun id piras do rahat. Songira diri dot korikot ot mogigiyon do wagu om koinsud nodi mininsokid it suai terutama kopiyo om yolo it momogun-mogun dit nokopogulu om raitai nodi yolo  tulun ponongsokid toi ko  DUSUN. Haro nogi id pialatan diyolo diti dit au mininsud om kakal po momogun-mogun id karataan om piras rahat. Kogumuan diyolo om songinlongot do kakadaian toi ko KADAYAN om raitai nodi yolo dot KADAZAN.

Mulong pod di dot haro tulun tokou au orohian pomungaran diti DUSUN nga aiso no suai osonong ngaran. Komolohingan tokou di pogulu po nogi nga au monongkoilo dot isaai yolo it poimpasi hilo id sokid. Haro nogi tulun tokou orohian dot KADAZAN ka dot pomungaran, tu omogot-mogot pondo mantad ko DUSUN. Tu KADAZAN nopo diti om yolo it notimung ponong id tana rata om nogi doros dot kakadayan. Mulong podi dot haro pisuaian karahian dot pomungaran, nga otopot nopo kopiyo nga iso i tokou. Koboros-boroso (dialect) tokou no ot misuai.

Iso hal toponting kopiyo dot mosti oilaan tokou tu kogumuan nopo tulun tokou DUSUN nga mogigiyon hiti id Sabah (North Borneo) om ilo-ilo no ot haro DUSUN. Mungkin nogi haro tokuri hilod id Brunei. Suai nopo ko ilo om aiso no DUSUN hiti id pomogunan.

Masaala.

Haro piro-piro sabab nokuro tu tumagak nodi boros tokou.
     1. It tongo molohing sobagi sumber khazana DUSUN om au no alaid kohibok om atagak nodi it sumber
         tokou..
     2. Kahwin campur menyebabkan au nodi panambarasan tangaaak dau DUSUN.
     3. Itokou sondiri nga au monomboros DUSUN songira koruba sompiko DUSUN.